طريقة عمل و تحضير بسكويت العسل الاسود

المكونات

3كوب دقيق منخول جيدا

كوب سكر

كوب زيت

نص كوب عسل أسود

نص كوب ماء

ملعقة ونص صغيرة قرفة مطحونة

ملعقة صغيرة بيكنج بودر ـــــ ربع ملعقة صغيرة ملح

بيضة لدهن الوش

طريقة التحضير

اول حاجه خلط كل المكونات الجافه سوا

بعد كدا نضيف الزيت ونفرك العجينه كويس قوى عشان نضمن اندماج الزيت بالمكونات الجافه لحد ما تلاقى شكلها بقى زى حبيبات الرمل المبلول

بعد كدا نضيف الميه بالتدريج وهنا حابيبى لازم ناخد بالنا انك لو لاقيتى العجينه ناشفه فى ايدك ممكن تزودى ميه ولو كانت طريه زياده طبعا بتزودى دقيق لان دا بيختلف حسب نوع الدقيق لحد ما توصلى لشكل العجينه المرغوب وبعد كدا تغطى العجينه لمده ربع ساااعه

بعد مرور الربع ساعه حبايبى نرش دقيق ونبدا نفرد العجين بسمك مناسب ونقطعه بقطاعات اشكال حسب المتاح عندك

وبعدها نكون مجهزين صوانى مدهونه زيت ومظبطين الفرن على درجه حراره وسط من 170 الى 180 حسب فرنك وترصى فيها البسكويت

وتسيبى مسافات بين القطع عشان متلاقيهوش كله بقى حته واحده فى الفرن وبعدها تدخليه الفرن لمده من 10 دقايق لربع ساعه حسب فرنك

ملحوظات

1 - لازم تسيبى مسافات بين البسكويت فى الصينيه

2- البسكويت اول ما يخرج من الفرن بيكون طرى جدا سيبيه دقيقتين بسسس فى الصينيه وبعدين حطيه فى طبق التقديم لانك لو زودتى عن كدا هايلزق فى الصينيه وهاتبقى معاناه عشان تخرجيه منها

3- البسكويته السميكه اطعم واحلى فى الشكل من البسكويته الرقيقه