طريقة عمل و تحضير سباغيتي ايطالي سهل سريع لذيذ

طريقة عمل و تحضير سباغيتي ايطالي سهل سريع لذيذ



اخدت هاي الوصفة من شيف ايطالية و عجبتني كتير بس انا ضفتلها الصوص الاحمر ..ما بقدر لازم احط لمسة من لمساتي على الاكل ايلي بسويه 😁😜
Rana Ali Rana Ali
تابِع هذا الطباخ
المقادير
كيس مكرونة سباغيتي
رأس ثوم مقطع شرائح دائرية
ملعقة او نص ملعقة فلفل احمر ناشف مطحون خشن
0.5 كوب صنوبر
مكعبين ماجي
زيت زيتون
ملعقتين زبدة
0.5 ضمة بقدونس مقطعة ناعم
جبنة بارميزان
مكونات الصوص:
4 حبات بندورة كبيرة مقطعة ناعم
بصلة متوسطة الحجم مقطعة ناعم
ملعقة كبيرة صلصة بندورة
0.5 كوب ماء
ماجي مكعبين صغار
ملعقة مسحوق الثوم الجاف
ملعقة صغيرة اوريغانو
زيت زيتون و زبدة قليل من كل شيء
رشة سكر ما يقارب نصف ملعقة صغيرة عشان تعادل طعم حموضة البندورة
طريقة التحضير
اسلق السباغيتي و اضعها في مصفاية عندما تستوي و اغسلها بالماء البارد كي لا تلتصق و ادعها جانبا الى حين موعد استخدامها
اضع زيت الزيتون و الزبدة في القدر على النار
عندما يسخن الزيت اقوم بوضع الثوم و تقليبه الى ان يصبح لونه مائل الى الاشقر ثم اقوم بوضع الصنوبر و تقليبة الى ان يشقر لونه
اقوم بإضافة الفلفل المجروش و الماجي و اقوم بالتقليب كل هاي الخطوات سريعة ما بتاخد ٥ دقائق يعني بدك تضلك جنب الغاز 😁
بعد ذلك اقوم بإضافة السباغيتي و تقليبه جيدا مع الثوم و الصنوبر حتى يختلطو مع بعض و بعدين بضيف البقدونس و بطفي النار و بحركهم منيح لينخلط البقدونس معاهم و هيك الجزء الاول بكون خلص
طريقة عمل الصوص:
بحط الزيت و الزبدة على النار و بضيف عليهم البصل الناعم و بقلبه حتى يذبل
اقوم بإضافة البندورة و الماجي و الصلصة و نصف كوب الماء و رشة السكر و الثوم الناشف و اتركهم على النار حتى تتسبك المكونات
اقوم بخلط مكونات الصوص في الخلاط الكهربائي حتى يصبح ناعم جدا
اقوم بإرجاع الصوص قليلا على النار حتى يتماسك قليلا تقريبا شي خمس دقايق عند الانتهاء اقوم بإضافة الاوريغانو و اطفاء النار
عند التقديم اضع المكرونة في صحن التقديم و فوقها الصوص و ارش عليه جبنة البارميزان و ازينه بقليل من البقدونس.

بتمنى تعجبكم وصفتي و تجربوها ما راح تندمو
ملاحظة : فيكم تستغنو عن الشطة الناشفة ازا عندكم اطفال و ما بيقدرو على الاكل الحار فيكم ترشو بصحنكم ازا بتحبو