طريقة عمل و تحضير فيتوتشيني روبيان بالطريقة الايطالية سهله سريعه لذيذه

https://jnon.org/storeimg/img_1489730789_731.jpg
المقادير
فيتوتشيني مسلوقه
2 بصل اخضر مفروم
فصين ثوم
3 حبات مشروم فرش شرائح
روبيان تقريبا نص كيلو منظف ومغسول
مكعب مرق خضار
بهارات ( بابريكا _ بودرة الثوم _ ملح وفلفل اسود)
رشه جبن موزاريلا
علبه كريمة طبخ
رشه جبن بارميزان
بصل اخضر للتزيين
طريقة التحضير
30 دقيقة
بقدر في ماء مغلي نحط رشه ملح و ملعقه زيت ونسلق الفيتوتشيني.
بمقلاة نحط زيت زيتون ونشوح البصل والثوم ونحط المشروم ونشوحه لمدة 5 الى 6 دقايق. بعدين نضيف الروبيان تقريبا 5 دقايق يحمس ولا نريده ان يصير قاسي، ونرش الفلفل الاسود وبابريكا وثوم البودره ونحمسهم شوي بعدين نرفع الروبيان بس ونخليه على جنب.
نضيف على البصل والمشروم علبه الكريمه ونضيف جبن الموزاريلا ومكعب الخضار ونحرك، ونضيف الفيتوتشيني بعد ما سلقناها ونقلب شوي عشان تختلط المكونات كلها مع بعض.
نقدمها في طبق ونحط الروبيان ونزينه بالبارميزان والبصل الاخضر وبالعافيه.