 |
|
| إضافة رد |
|
|
أدوات الموضوع |
|
#1
03-14-2016, 04:00 PM
|
|||
|
|||
|
شرح كيفية و طريقة تتبع جهازك الجالكسي في حالة فقدانة او سرقته
شرح كيفية و طريقة تتبع جهازك الجالكسي في حالة فقدانة او سرقته أسعد الله أوقاتكم بكل خير الموضوع عبارة عن شرح لأحد المميزات الجبارة في الجالكسي الشرح والصور من جالكسي إس 2 الخدمة هي تتبع لجهازك في حالة فقدانه أو السرقه .. أنصح الجميع بالتطبيق لأهمية ذلك .. راح أحاول أوضح لكم كل شيء واعذروني إذا قصرت في شيء .. نبدأ بسم الله بأول خطوة الخطوة الأولى : إنشاء حساب سامسونج عن طريق الضبط ==>الحسابات والمزامنة ==> إضافة حساب ==> حساب samsung  تنزل أسفل القائمة راح تلاقي حساب سامسونج  الخطوة الثانية : وهي تفعيل الخدمة عن طريق الضبط ==> الموقع ولأمان ==> بحث عن هاتفي المحمول  تحت عنوان بحث عن هاتفي المحمول راح نلاقي 3 خيارات .. لابد أننا نفعلها كما هو موضح في الصورة  (1) نضغط على تنبيه تغيير بطاقة SIM ... راح يطلب مننا حساب سامسونج اللي سويناه في الخطوة الأولى .. ندخل الإيميل والباسورد زي ماهو موضح في الصورة  بعد كذا راح يتفعل وتجي علامة صح بالأخضر (2) نضغط على تنبيه مستلمي الرساله ( هذي الخطوة مهمه وجبارة بصراحة ) راح يطلب مننا حساب سامسونج والباسورد الفائده من هذي الخدمة هي .. انه في حال أن الجوال إنسرق لا سمح الله .. والسارق قفل الجوال وغير الشريحه .. تجيك رساله برقم الشريحة اللي وضعها السارق في جوالك على أرقام أنت تخصصها .. للي مافهم راح يفهم بالصور  ( أ ) نضغط على علامة الـ ( + ) لإضافة الأرقام اللي راح تجيني عليها الرسالة عند وضع شريحة جديدة في جوالي المسروق << مثل ما وضحت فوق ( ب ) كتابة عباره أو اي شيء تريده على سبيل المثال أنا كتبت تم العثور على السارق لمن تجيني الرسالة عند تغيير الشريحة راح تتضمن رقم السارق + العبارة اللي كتبتها في خطوة رقم ( ب ) ( ج ) اضغط على تم للحفظ . (( من وجهة نظري أشوف الخطوة رقم ( 2 ) جداً جداً جباره اللي هي تجيني رساله برقم السارق في حال تغيير الشريحة وادخال شريحة جديدة )) بعد الحفظ راح تتفعل الخطوة رقم ( 2 ) ( 3 ) نضغط على أدوات التحكم عن بعد لتفعيلها بإدخال حساب سامسونج + الباسورد بعد الانتهاء من الثلاث خطوات راح تتفعل الخيارات الثلاثة كما هو موضح فالصورة التاليه  إنتهينا من الخطوة الثانية وهي تفعيل الخدمة أو الميزة من الجوال .. الخطوة الثالثة : التحكم عن طريق الكمبيوتر ندخل على هذا الرابط ونسجل الدخول في الموقع بواسطة حساب سامسونج اللي استخدمناه في الخطوة الأولى في إعدادات الجوال .. للجالكسي إس 2 https://www.samsungdive.com/ لباقي الأجهزة (( غير مجربه )) Samsung DIVE  بعد ما تفتح الصفحه نطبق زي الصور  بعد تسجيل الدخول راح تفتح معانا هذي الصورة  أنا رقمتها وراح أشرح كل وحده برقمها .. ( 1 ) وهذي أهم خطوة ومن غيرها ما راح تستفيد شيء .. نضغط على خطوة رقم ( 1 ) راح تفتح لنا النافذة التالية  ندخل رقم الجوال مثل الصورة تاما .. وبمجرد الضغط على موافق أو تغيير راح يظهر رقم الجوال عند الخطوة رقم ( 1 ) في أعضاء يقولون أنهم حاولوا تحديد موقع الجهاز وتطلع لهم صورة باللون مكتوب عليها جالكسي و no phone number والسبب والله اعلم أنهم ما طبقوا الخطوة رقم ( 1 ) ( 2 ) قفل الجول بحيث لا يتمكن السارق من استخدامه أو الاستفاده منه ولا يستطيع أخذ الملفات .. ( 3 ) تستطيع من خلالها إنشاء إتصال على الجوال .. مثلاً لو فقدت الجوال في البيت أو فـ السيارة تستطيع الإتصال به عن طريق هذي الخطوة وراح تسمع رنة الجوال مثل الصورة التاليه  ( 4 ) تعمل فورورد للرسائل والاتصالات على رقم جوال ثاني . مثلا ضاع جوالي ولا أدري وينه أسوي هذي الخطوة وأحول الاتصالات والرسايل على رقم ثاني وحسب ما فهمت أنه إذا اتغيرت الشريحة تتعطل هذي الميزة (( مو متأكد لأني ما جربتها )) ( 5 ) هذي الخطوة ما جربتها ولكن اتوقع أنها تطلع لك السجل للمكالمات لمدة أسبوع .. اللي عنده اي معلومة يفيدنا ( 6 ) مسح البيانات .. مثل إعادة ضبط المصنع .. يعني تفقد جميع الملفات . ( 7 ) تقدر تفتح قفل الشاشه عن بعد .. يعني إذا مقفل بباسورد تقدر تفتحه عن طريق هذا الخيار ( 8 ) تحديد مكان الجوال .. بعض الأحيان ياخذ وقت لتحديد الموقع وأحيان ما يحدد . بس أنا جربته وحدد موقع الجوال .. ميزه حلوة بصراحه صورة لتحديد مكان الجوال (9) لتحديد مسار الجوال لمدة 12 ساعه مضت . avp ;dtdm , 'vdrm jjfu [ih.; hg[hg;sd td phgm tr]hkm h, svrji
عزيزي الزائر / العضو اذا رأيت أي موضوع يحتوي على أي انتهاك فلا تتردد في مراسلتنا عن طريق رابط ابلاغ عن انتهاك من هنا |
| إضافة رد |
|
|
المواضيع المتشابهه
|
||||
| الموضوع | المنتدى | آخر مشاركة | ||
| شرح كيفية و طريقة قفل أنظمة الاندرويد ومسح البيانات عن بُعد في حالة السرقة أو الفقدان في نظام الاندرويد | اندرويد - android - جالكسي - تطبيقات اندرويد | 03-14-2016 03:59 PM | ||
| شرح كيفية و طريقة حل جميع المشاكل في جوالات الجالكسي | اندرويد - android - جالكسي - تطبيقات اندرويد | 03-14-2016 03:46 PM | ||
| شرح كيفية و طريقة حل مشكلة عدم تغيير نوعية القفل في جهازك في نظام الاندرويد | اندرويد - android - جالكسي - تطبيقات اندرويد | 03-14-2016 03:39 PM | ||
| تطبيقات ايباد جديدة ، تحميل Where I تطبيق لابد من تواجدة جهازك للايباد | ايفون - iphone - تطبيقات - الايفون - الايباد | 02-27-2016 09:28 AM | ||
| حل مشكلة تاريخ ان قمت بعمله على الايفون يدمر جهازك | ايفون - iphone - تطبيقات - الايفون - الايباد | 02-21-2016 04:51 PM | ||
