طريقة عمل و تحضير كليجة العيد سهله سريعه لذيذة افضل الطرق لعمل و صنع الكليجه

طريقة عمل و تحضير كليجة العيد سهله سريعه لذيذة افضل الطرق لعمل و صنع الكليجه

نبدي بسم الله بالمقادير
..............

3 كوب طحين
1 كوب زبد
ملعقتين حليب بودره
خمره
رشة ملح + رشة سكر
بكنك باودر
هيل مطحون
رشة هيل
رشة دارسين ،، نفسها القرفه
وشوي سميد ناعم ربع كوب تقريبا
.................
طبعا هاي المقادير ثابته لكن الي سويته اني اكثر حنطي الكم بالمضبوط

9 كوب طحين + كوب سميد ناعم
3 كوب زبد يعني 3 باكيتات زبد صونار ابو ال 500 دينار هع،، والباكيت يعادل كوب حسب قياس الكوب الي استخدمته
2 كيس بكنك باودر
ملعقة ونص اكل خميره فوريه
6 ملعقة طعام حليب بودره
رشة دارسين
رشة هيل مطحون
ملعقين او 3 ملاعق اكل سكر
رشة ملح
والماء بالتدريج اثناء العجن

....
بعد ما تكمل العجينه نخمرها ساعه او نص ساعه حسب الجو

انا اصلا بيتتها بالثلاجه لان ابني معذبني وما يخليني اسوي شي

هسه نجي للحشوه
،،،،،،،،،،
فلست التمر وعجنته بالزبد على نار خفيفه ورفعته من النار لحد ما برد ضفتله هيل مطحون ورشة دارسين وطلعت ريحة التمر تمووووت ممكن تضيفون جوز مكسر للتمر او مبروش انا ما ضفت شي بصراحه ،،،، وباقي الحشوات حسب ذوقكم حبايب

انا اصلا حتى استخدمت حلاوه دهينه كنوع من الحشوه بس لا تكثرون لان تموع خاصة بطريقة كص البقلاوه

والنتيجه النهائية للكليجه

---

'vdrm ulg , jpqdv ;gd[m hgud] sigi svdui g`d`m htqg hg'vr gulg , wku hg;gd[i